Epilepsia që në fëmijëri, e kurueshme?

Pacienti mashkull, 20 vjeçar me epilepsi rezistente që në fëmijëri.

Pacienti kishte kryer CT të trurit para 5 vitesh, pa patur evidencë për etiologjinë e epilepsisë rezistente kronike, afatgjatë.

Ai është i varur nga barnat anti-epileptike, ndërsa akoma vuan nga krizat epileptike.

Egzaminimi i fundit RM pa kontrast në IHC tregoi për malformacion subtil kongjenital në zhvillimin kortikal në brendësi të lobit parietal djathtas.

IMPRESIONI final është:

Intensitet subtil i brezit linear që shtrihet në mes të aspektit të thellë posterosuperior të fisurës Sylviane dhe aspektit posterior të korpusit të ventrikulit lateral djathtas, (izointens me masën gri në të gjitha sekuencat). Këto të dhëna të RM sugjerojnë fuqimisht "tip II (tip Taylor) displazia fokale kortikale (displazia kortikale transmantle)" ose " heterotopia gri transmantle ". Praktikisht, ato mund të përfaqësojnë dy emra të ndryshëm për të njëjtën njësi.

Vërehet skleroza hipokamplae sekondare bilateral (e shkaktuar nga epilepsia rezistente afatgjatë).

Lajm i mirë është se ky keqformim i lindur ka një prognozë të shkëlqyer pas ekscisionit kirurgjikal kompetent të zonës së keqformuar, dhe një pacienti mund të ketë pastaj ''një jetë pa kriza''. Në varësi të rezultateve klinike, ky pacient i ri nuk mund të jetë më i varur nga medikamentet anti-epileptike.